Os linfocitos T son células craves no funcionamento do sistema inmunológico. Na activación destas células participa unha encima chamada fosfatidilinositol-3-quinasas gamma (Pl3K?), o que a converte nunha potencial diana terapéutica para o tratamento de enfermidades autoinmunes, como o lupus.
Este achado é obra dun equipo do Consello Superior de Investigacións Científicas (CSIC) dirixido polo investigadores Domingo Barber e Ana Clara Carreira. Estes expertos describiron novas funcións da citada encima, que? exprésase de maneira case exclusiva en células do sistema inmune.
Este patrón de expresión tan específico, que a diferenza do resto dos membros da familia de encimas fosfatidilinositol-3-quinasas, encargadas de regular procesos celulares como a supervivencia ou a división celular, fixo que os investigadores se expuxesen a posibilidade de novas funcións específicas. “Ata a data pensábase que só se activaba en células T a través dos receptores implicados na migración destas células do sistema inmune ao seu lugar de acción. A novidade é o papel central que Pl3K? xoga na activación dos linfocitos T vía o receptor de células T (TCR), receptor encargado de recoñecer as diferentes proteínas virales, bacterianas ou doutros patógenos”, explica Domingo Barber.
O científico engade que “hai uns anos demostramos que a ruta de Pl3K? está sobreactivada nos linfocitos T de ratos infectados con lupus. Este exceso de actividade non se daba nos animais sans. O papel central de Pl3K? na activación dos linfocitos T vía o receptor TCR explica por que os inhibidores farmacolóxicos desta encima melloraron en modelos animais os síntomas de lupus ao reducir a activación dos linfocitos T”.
As enfermidades autoinmunes provocan que o sistema inmunológico do organismo deixe de regularse e actúe destruíndo células e tecidos sans do corpo. Este trastorno adoita estar asociado á sobreactivación dalgunhas rutas moleculares en células do sistema inmune.
