Segundo indicaron hoxe fontes da organización, o XVIII Congreso Nacional da Sociedade Española de Pediatría Extrahospitalaria e Atención Primaria congregará en Alacante a máis dun milleiro de pediatras españois. A cita desenvolverase na cidade mediterránea entre os próximos días 16 e 19 de setembro.
Considerado “o máis importantes do calendario congresual médico pola presenza masiva de pediatras de toda España”, neste encontro os expertos tratarán sobre os avances na nutrición infantil, a detección e o seguimento da celiaquía, os trastornos do soño, as novas familias e a educación do neno, a hiperactividade, as alerxias ou os progresos na vacinación, sinalaron as mesmas fontes.
O congreso abordará tamén moitas das facetas que abarca a pediatría e tratará temas estritamente médicos xunto a outros de carácter psicolóxico e social coa asistencia dos máis relevantes especialistas do país, afirmaron.
