A ictioterapia, un tratamento estético que consiste en mergullar os pés en auga quente a uns 30 ou 40 graos, cuns peixes chamados “Garra Rufa”, que succionan as células mortas dos pés, pode representar un “perigo”, tal como alertan desde o Colexio profesional de Podólogos de Andalucía.
Os podólogos andaluces advirten de que, aínda que os centros que aplican este tratamento “cumpran a priori coas normas de hixiene e seguridade” para podelo levar a cabo, “o risco de propagación de infeccións da pel como micosis, verrugas plantares así como outras enfermidades contaxiosas tales como VIH e as hepatites B e C é moi alto”.
Desde a citada entidade colexial sustentaron tamén a súa preocupación “en estudos realizados por organismos internacionais, como o da Axencia de Protección da Saúde de Reino Unido, que alerta á sociedade das infeccións e enfermidades que poden derivarse ao ser tratado mediante esta técnica”.
“Cada vez hai máis países que prohiben a práctica da ictioterapia”, apuntan estes podólogos, quen lembran que ademais de Canadá, máis de 18 estados americanos han restrinxidos por lei este procedemento, mentres que en Alemaña establecéronse extensos requirimentos para ofrecer este servizo, como probas de sangue.
O presidente dos podólogos andaluces, Jorge Barnés, advirte de que moitos colegas seus “xa se atoparon numerosos casos de pacientes que acudiron ás súas consultas alertados e preocupados por este tratamento”, polo que o Colexio profesional de Podólogos de Andalucía viu “necesario e urxente informar e alertar á poboación do perigo que leva a ictioterapia”.
