Os xenes do pai poderían desempeñar un importante papel na duración do embarazo, segundo un estudo baseado na observación de mulleres con fillos de pais diferentes realizado por investigadores da Universidade de Aarhus (Dinamarca). Estes expertos analizaron a mulleres que tiveran dúas ou máis fillos entre 1980 e 1992. Tras a investigación demostrouse que, nos casos de mulleres que tiveran fillos con distintos homes, era frecuente que a duración do parto cambiase duns pais a outros.
Segundo os investigadores daneses, no caso no que o primeiro e segundo fillo fosen de pais diferentes, existía un 15,4% de posibilidades de que o embarazo se alargase máis do normal (42 semanas). Así, a duración do embarazo variaba en máis dunha semana dependendo de si estas mulleres cambiaran de parella.
Até agora achacábase esa distinta duración do embarazo a complicacións na nai ou no fillo, sen pensar nunca que os xenes do pai puidesen ter algo que ver.
