Nos últimos anos, e co incremento do uso de Internet, temos cada vez máis acceso a diferentes fontes e canles de información. Aínda que isto é positivo, cando se trata de información de saúde débese ter moito coidado co que se acha na Rede. Dispor de tantos sitios web que din tantas cousas distintas sobre esta materia pode levar a confusión e, mesmo, a tomar decisións que poñan en risco a saúde. Neste artigo explícase como identificar as boas fontes de información e asegurarse de que o que se está lendo ten sustento científico ou evidencia que o apoie. Ademais, apúntanse unha serie de portais web con información fiable achega do cancro.
Que é a prevención baseada na evidencia?
A prevención baseada na evidencia son programas, estratexias e políticas de prevención que foron probadas con rigor e que demostraron ser útiles. O mesmo aplícase ás mensaxes e recomendacións de saúde: as recomendacións dunha boa fonte de información baséanse en conceptos que foron postos a proba e probados como exitosos.
Como identificar unha boa fonte de información?
Seguir este cinco consellos axuda a distinguir fontes fiables de información:
- Ler as recomendacións de institucións especializadas na materia. Se le información dun profesional, preste especial atención ás súas credenciais.
- Non quede co primeiro resultado que aparece en Internet. Busque máis, compare, revise e saque conclusións.
- Teña sempre en conta o medio no que se publica a información, por se puidese haber algún tipo de interese (en xeral buscan o consumo do algún produto) detrás desa información.
- Mire a data na que se redactou ese contido. O coñecemento en saúde é dinámico, cada vez sábese máis e compréndense as cousas mellor. A información de 2008 pode xa non ser tan válida na actualidade.
- Pregunte sempre a algún profesional sanitario coñecido sobre o que leu ou, se é posible, pídalle que lle recomende algún lugar onde buscar a información.
A evidencia detrás das recomendacións da AECC
Na Asociación Española Contra o Cancro (AECC) tentamos sempre ser moi rigorosos co contido e as recomendacións que ofrecemos. Baseamos toda a nosa información en informes científicos e investigacións nacionais e internacionais e en recomendacións de institucións de referencia mundial no tema.
Na nosa páxina web, procuramos recoller e ordenar todo o que cremos que pode ser útil sobre o cancro: desde información de actualidade ata recomendacións específicas. Ademais do sitio web, na AECC dispomos doutras canles e medios de información, como os seguintes:
- Infocáncer. Se o cancro non descansa, nós tampouco. Na AECC pomos a servizo dos enfermos de cancro e dos seus familiares este consultorio en liña e un teléfono gratuíto, dispoñible 24 horas durante o sete días da semana, para que poidan facer calquera consulta. Alí, un equipo de voluntarios e profesionais ofrecen información, apoio, axuda ou asesoramento.
- Observatorio do Cancro. Este espazo de información, intercambio de coñecemento e colaboración é unha referencia estatística do mundo do cancro. Queremos achegar á sociedade información sobre de hábitos de prevención, detección precoz e concienciación sobre o cancro de maneira clara e baseada en evidencias científicas. O Observatorio do Cancro preséntase como un punto de encontro entre todos os implicados que busca promover unha concienciación baseada no coñecemento.
A AECC ten especial interese en facer chegar os seus estudos sociais a todos os cidadáns para que sirvan como fonte de información e consulta sobre diferentes aspectos relacionados co cancro: os hábitos de prevención e de detección precoz, a realidade e a percepción social sobre esta enfermidade ou as necesidades dos pacientes, os familiares e os profesionais, entre outros.
Outras fontes de información fiable sobre o cancro
Á parte da web da AECC, existen portais doutras institucións internacionais que poden brindar información fiable:
- Código Europeo Contra o Cancro (en español)
- Cancer Research UK (en inglés)
- Fondo Mundial para a Investigación do Cancro (en inglés)
- Sociedade Americana Contra o Cancro (en español)
- Instituto Nacional do Cancro EE.UU. (en español)
Así e todo, ás veces pode resultar difícil definir unha fonte de información fiable. Propómoslle entrar no espazo de encontro dixital da AECC e contar alí que tipo de información necesita, a fin de que lle axudemos a atopar unha fonte fiable e de confianza.
