O Ministerio de Sanidade e Consumo iniciou onte unha campaña para informar como se prevén o parásito anisakis que se atopa no peixe, a través da publicación dunha páxina completa de publicidade nos principais diarios do país. Segundo o Ministerio, é o momento “oportuno” para informar o consumidor sobre como adoptar medidas sinxelas para impedir os seus efectos.
A semana pasada entrou en vigor o real decreto que obriga aos restaurantes a conxelar polo menos durante 24 horas todo o peixe que vaia a servirse cru ou pouco feito para evitar a anisakiasis. A medida foi criticada por algúns cociñeiros do país, que se queixaron do alarmismo de Sanidade.
Segundo Sanidade, a enfermidade polo anisakis só se pode contraer se se consome peixe parasitado practicamente cru, por tanto, non existe risco en comer peixe fresco ben cociñado, como se veu facendo tradicionalmente.
As preparacións tradicionais (cocción, fritura, horneado e ferro) eliminan o parásito, pero se se come o peixe cru, ou case, a conxelación é o método máis eficaz para inactivarlo. Esta debe efectuarse a unha temperatura de menos de 20 graos centígrados, ou inferior, durante 24 horas.
Non causan a enfermidade, aínda que se consuman crus, recoiro, mexillóns, ameixas, coquinas e demais moluscos bivalvos; os peixes de augas continentais e de piscifactorías de auga doce (troitas ou carpas). Tamén se pode comer en cru, e sen conxelar, peixes desecados (bacallau) e as semiconservas tratadas con sal e calor, como as anchoas. Pero hai que ter coidado con boquerones en vinagre e peixes en escabeche e marinados, carpaccios, huevas crúas e arenques.
