A ministra de Sanidade e Consumo, Elena Salgado, afirmou onte que “non existe desabastecemento” de medicamentos nas farmacias debido á entrada en vigor dos novos prezos, aínda que recoñeceu a existencia de problemas na subministración dun total de nove especialidades farmacéuticas, das que oito contan con sustitutivo e só unha, o antiasmático “Theodur”, é de difícil substitución.
O resto de medicamentos son o antiinflamatorio “Feldene”, o antibiótico xinecolóxico “Dalacin”, o quimioterápico “Citarabina”, o antiasmático “Pulmicort”, o antihipertensivo “Beloken”, o antidepresivo “Tepazepam”, o tranquilizante “Loramet” e o ansiolítico “Orfidal”.
Salgado asegurou que se trata dun feito puntual debido a problemas “de fabricación”. A existencia destas complicacións, que ao seu xuízo foron talvez amplificadas por algunhas comunidades, “non supón que haxa desabastecemento”, insistiu.
A diferenza consiste en que o desabastecemento significaría que hai “problemas en orixe”, mentres que a falta de subministración “refírese a as ocasións en que un determinado medicamento non chega coa cadencia normal a determinada oficina de farmacia”, concluíu a ministra.
