Médicos do Hospital de Sant Pau de Barcelona realizaron un estudo que demostra a eficacia da utilización dun sistema para que algúns enfermos, maioritariamente con problemas cardíacos, poidan controlarse os seus niveis de coagulación nos seus domicilios.
No estudo participaron 737 pacientes que actualmente seguen un tratamento anticoagulante oral. Á metade facilitóuselles un coagulómetro portátil e formación para que puidesen levar a cabo o control desde os seus fogares mentres que o resto continuaron realizando visitas mensuais no hospital para controlar o seu nivel de coagulación.
Segundo informaron os responsables do estudo, tras o seguimento ao longo de 11,8 meses, o sistema de autocontrol proporcionou os mesmos resultados que o habitual, diminuíndo os riscos de complicacións maiores no primeiro grupo. De tal forma que o risco de sufrir complicacións graves foi do 2,2% entre os pacientes que se controlaban en casa, fronte ao 7,3% do grupo controlado polo hematólogo, o que supón unha redución próxima ao 70%.
