Un virus similar ao da pneumonía asiática levanta a alerta en Canadá

• Autor: Por mediatrader
• Data de publicación: Venres, 22deAgostode2003

Un virus moi parecido ao da Síndrome Respiratoria Agudo Severo (SRAS) orixinou unha misteriosa epidemia de pneumonía nunha residencia de anciáns de Vancouver (Canadá). A pesar de ter síntomas menos virulentos, este virus causou xa seis mortos e máis dun centenar de infectados, segundo informou onte a epidemióloga da Organización Mundial da Saúde (OMS), Katrin Leitmeyer.

“Os resultados de laboratorio procedentes dos pequenos segmentos analizados son moi similares aos do virus do SRAS”, declarou Leitmeyer á cadea de televisión pública CBS. Preto dun centenar de pensionistas e unha cincuentena de membros do persoal médico tamén resultaron afectados por estes problemas respiratorios, aínda que sen graves consecuencias.

Algúns expertos especulan coa posibilidade de que se trate dunha variante debilitada do coronavirus causante da pandemia de pneumonía asiática. O misterio non poderá ser desvelado ata que conclúan as análises epidemiolóxicas e científicos, o que pode levar semanas. E esta situación preocupa ás autoridades, xa que o brote infeccioso declarado en Vancouver pode xerar intranquilidade na comunidade internacional, carrexando novas perdas económicas a Canadá.