O 92% dos pitos sacrificados en España teñen a bacteria campylobacteria, segundo afirmou a Autoridade Europea para a Seguridade Alimentaria (EFSA, polas súas siglas en inglés). Ademais, un 14,4% dos pitos examinados no noso país presentan indicios de salmonella .
Un estudo publicado pola EFSA destaca a “presenza alta” da devandita bacteria nos pitos nos matadoiros da maioría dos países comunitarios. A axencia atopou durante a súa investigación restos da campylobacteria nos intestinos do 71% dos pitos examinados na Unión Europea (UE) e no 76% no caso dos animais xa sacrificados. A cifra elevouse en España ao 88% nos intestinos dos pitos e ao 92% no caso dos sacrificados. España, terceiro país que máis pitos sacrifica, por detrás de Francia e do Reino Unido, é tamén un dos que rexistra máis animais contaminados.
Estes datos mostran que a contaminación aumenta durante o sacrificio, segundo a EFSA, que nun informe recente sinalou que a carne de pito era unha fonte de contaxio, aínda que non a principal, da infección por campylobacteria en humanos.
Polo que se respecta á salmonella, a infección dos pitos da UE é menor, pois alcanza o 15,6%, en tanto que en España chega ao 14,4%. Neste caso, España mantense dentro da media e afástase de países como Hungría, onde os restos de salmonella chegan a superar o 90%.
