Biscaia inicia a vacinación masiva de ovellas contra a lingua azul

• Autor: Por xavi
• Data de publicación: Martes, 13deNovembrode2007

Biscaia será a primeira provincia vasca en vacinar ao gando ovino contra a lingua azul. Hoxe mesmo comezarán as vacinacións, segundo informou un portavoz do departamento foral de Agricultura. En Guipúzcoa, onde se localizou o primeiro foco da enfermidade no País Vasco, empezarán mañá, mentres que en Áraba están á espera de recibir as vacinas.

Estímase que en Biscaia hai unhas 4.300 explotacións con gando de cría. Os veterinarios do departamento de Agricultura inmunizarán en primeiro lugar ás ovellas das explotacións radicadas nas comarcas de Markina e Durango e, ao longo da semana, estenderán a vacinación ao resto de localidades ata completar a totalidade do territorio.

O deputado de Desenvolvemento do Medio Rural de Guipúzcoa, Rafael Uribarren, destacou que a vacinación nese territorio iniciarase este mércores nas comarcas de Donostialdea e Bidasoa. Nunha segunda fase vacinarase ao gando vacún (unhas 40.000 cabezas).

Áraba, pola súa banda, está á espera de recibir as vacinas para comezar a campaña de inmunización e prepara ao equipo humano encargado de percorrer as granxas. En total son 300.000 as doses enviadas polo Ministerio de Agricultura, Pesca e Alimentación para facer fronte ao avance da lingua azul no País Vasco.

Polo momento, o Servizo de Gandaría da Deputación de Guipúzcoa constatou a presenza da enfermidade en 35 explotacións (27 de ovino e oito de bovino). En total rexistráronse 65 reses enfermas e 39 morreron como consecuencia da enfermidade, que non afecta os humanos en ningún caso.