O gando bovino é o principal reservorio de colonias de E.coli e a orixe da infección que provoca esta bacteria, sobre todo, a especie E.coli 0157:H7, produtora dunha toxina que tamén afecta os humanos. Para evitar a contaminación nos produtos cárnicos, elaboráronse un conxunto de boas prácticas de manipulación. O control desta especie de bacteria debe empezar nas instalacións onde está o gando, considerado o punto máis importante para diminuír a incidencia de infección no consumidor. Vacinas e antibióticos poderían ser eficaces para erradicar a toxina, pero en ocasións estas opcións desestimáronse, xa que hai perigo de zoonosis vacinas. Unha delas contén células dunha cepa de E. coli 0157:H7 capaz de producir unha gran cantidade de proteínas inmunogénicas cunha cualidade específica: estimular unha resposta inmunológica que impide a colonización de E. coli no tracto gastrointestinal dos animais.
Para sacar ao mercado esta vacina realizáronse probas piloto a tenreiros Holstein. Algúns deles se inmunizaron ao tres meses de idade. Semanas despois, os animais recibiron unha dose de E. coli 0157:H7 para poder avaliar a resposta da vacina. A análise do animais vinte días despois indicou un nivel reducido ou case nulo de E.coli. Estas técnicas están en fase de estudo e prevese utilizalas nun futuro.
Algunhas herbas ou especias que se utilizan de forma habitual para dar sabor aos alimentos, como a canela, o tomiño ou o cravo, poden servir tamén como axente antimicrobiano nos alimentos. Os aceites e os compostos extraídos destas plantas son os responsables deste poder contra a colonización de bacterias, sobre todo, da E. coli 0157:H7.
Un dos principais desenvolvementos neste campo é poder elaborar unha película comestible elaborada con puré de espinaca mesturado con carvacrol, un aceite esencial, para competir coa presenza de E.coli nos alimentos de consumo. Os investigadores avalían os resultados despois de engadir pequenos anacos desta película (a base de espinaca cunha elevada dose de carvacrol) ás bolsas de follas de espinacas frescas e listas para consumir que se venden nos comercios. Esta mestura podería axudar ás espinacas, neste caso, a protexerse da E. coli.
