Sanidade asegura que non hai razóns que desaconsellen o consumo de salmón

• Autor: Por xavi
• Data de publicación: Luns, 12deXaneirode2004

Así, segundo a AESA, os niveis de contaminantes detectados atópanse por baixo do que admiten diversos organismos internacionais. “A AESA considera, una vez analizado detidamente o artigo da revista Science, sobre niveis decontaminantes (dioxinas, PCB, dieldrin, entre outros) en salmón de diferentes orixes xeográficas e de piscifactoría ou pesca, que non é necesario modificar os hábitos de consumo deste peixe”, recoñece o organismo nun comunicado.

Segundo a AESA, os niveis que recolle o estudo están “por baixo dos límites recoñecidos internacionalmente por estes organismos, tanto en concentración como en inxesta total semanal ou mensual”. Así, o Comité Científico da Alimentación Humana (CCAH) chegou á conclusión “de que o efecto cancerígeno das dioxinas non se produce en niveis situados por baixo dun determinado limiar”.

Ademais, a AESA indica que a Unión Europea estableceu no Regulamento 2375/2001 límites ao contido máximo deste tipo de contaminantes, establecendo paira o caso da carne de peixe e produtos da pesca e os seus derivados, un contido máximo de 4 picogramos de equivalente tóxico expresado pola OMS por gramo de peso fresco.

Así, a AESA lembra que en España “é obrigatoria a indicación do método de produción (Pesca extractiva/Pescado en augas doces/Criado ou acuicultura ou marisqueo), así como a zona de captura ou de cría, tanto en produtos frescos, como en conxelados ou cocidos na etiquetaxe”.