Sanidade prepara un Plan Integral de Obesidade, Nutrición e Actividade Física

• Autor: Por xavi
• Data de publicación: Venres, 23deXaneirode2004

O Plan Integral de Obesidade, Nutrición e Actividade Física incluirá obxectivos como investir a tendencia da prevalencia de obesidade, en especial da infantil. Ademais, pretende ofrecer un patrón de alimentación saudable e equilibrada en función do gasto enerxético así como previr o desenvolvemento dos trastornos do comportamento alimentario. Tamén está previsto fortalecer os sistemas de vixilancia e de información sobre obesidade e trastornos do comportamento alimentario e fomentar a investigación básica, aplicada e operativa.

Na elaboración do Plan definiranse, ademais dos Sistemas de Información e Investigación, outras áreas como a promoción dunha alimentación e nutrición saudables a partir da elaboración de guías alimentarias, como a práctica regular da actividade física na poboación. Tamén se definirá a determinación da prevalencia de sobrepeso e obesidade en poboación infantil e dos trastornos do comportamento alimentario. Ademais, a norma reflectirá como deberá ser a asistencia sanitaria tanto a pacientes con obesidade como aos que teñen trastornos do comportamento alimentario.

O Plan estará composto por un Comité Director, que á súa vez estará formado por representantes do Ministerio de Sanidade e Consumo e un representante de cada comunidade autónoma. Ademais, constituirase un Comité de redacción que será o encargado de preparar a versión preliminar do Plan. Tamén se creará un Comité Científico, formado por un representante do Ministerio de Sanidade e Consumo e un representante de cada una das sociedades científicas e outras asociacións relacionadas co tema.