Expertos do Servizo de Investigación Agrícola de EEUU (ARS, nas súas siglas inglesas) ensaiaron varios instrumentos que poderían axudar aos agricultores a identificar de forma rápida os lugares exactos nos que pode cultivarse trigo de alta calidade.
Os investigadores están a traballar actualmente para desenvolver e ensaiar aparellos espectroscópicos que utilizan as fibras ópticas e a luz infravermella para medir a concentración de proteína do gran. Segundo informa o ARS, produtores de pan adoitan demandar trigo de alta proteína para producir pan, aínda que prefiren trigo de baixa proteína para elaborar pasteis e galletas.
Ademais de proteína, os sensores ópticos poden medir os niveis de graxa, aceite, carbohidratos e humidade en grans. Con esta información, os agricultores poderían segregar gran durante as operacións de colleita e transferencia, baseado nas calidades específicas do gran. Como ocorre en moitas outras colleitas, un só campo de trigo pode producir gran con variacións significantes en cantidade e calidade.
Outro dos beneficios desta técnica é a súa aplicación tamén para o manexo de fertilizante, xa que o nitróxeno do chan e os niveis de proteína están correlacionados. Os expertos esperan que os sensores ópticos permitan estudar tamén os niveis de residuos de colleitas.
