Urxen sementes de arroz en Liberia

• Autor: Por xavi
• Data de publicación: Mércores, 24deDecembrode2003

As avaliacións recentes indican que tres de cada catro campesiños non contarán con sementes de arroz paira a tempada de 2004. A FAO lanzou un chamamento paira conseguir dous millóns de dólares que servirán paira distribuír 700 toneladas de sementes de arroz entre 70.000 familias campesiñas.

“Dous millóns de dólares é un prezo relativamente baixo para garantir a medio millón de liberianos que non pasarán fame ou que polo menos non dependerán da axuda alimentaria externa o próximo ano”, asegura Subramaniam Thirunanasambanthar, representante da FAO en Liberia. “Fomentar a produción agraria é moito máis eficaz e sustentable a longo prazo, que entregar axuda alimentaria o mesmo número de persoas”, sinala o experto.

“Pódese evitar una situación potencialmente desastrosa entregando a tempo sementes de arroz aos agricultores que garantirán deste xeito a súa seguridade alimentaria e o aumento da produción arrocera”. Boa parte das existencias de sementes do país están decimadas a consecuencia da longa guerra que acabou en agosto de 2003, por iso é necesario conseguir e distribuír as sementes entre xaneiro e abril de 2004.

A alimentación dos liberianos consta de dous cultivos básicos: arroz e mandioca. O primeiro é o cultivo preferido, aínda que tamén se consome moita mandioca, sobre todo cando o arroz escasea, cousa que sucede pouco antes da colleita, cando as existencias esgotáronse.