O Ministerio de Sanidade e Política Social comunicou onte que o Instituto de Saúde Carlos III confirmou 29 casos do virus A/H1N1 na Academia de Enxeñeiros do Exercito de Hoyo de Manzanares (Madrid). O número de casos en estudo é de 12.
Hai ademais outro oito casos confirmados procedentes deste cuartel e notificados nas comunidades autónomas de Madrid (dúas), Comunidade Valenciana (dúas), Andalucía (un), Castela e León (dous) e Castela-A Mancha (un caso dun residente en Madrid).
Todos os afectados “presentaron un cadro clínico leve e unha resposta favorable ao tratamento”
Tamén hai outros 11 casos confirmados de persoas que mantiveron contactos con persoal do cuartel de Hoyo (tres en Madrid, un en Andalucía, un en Castela e León e seis na Comunidade Valenciana). No acuartelamento do Ferral (León) houbo un caso positivo.
Sanidade destaca que todos os afectados “presentaron un cadro clínico leve e unha resposta favorable ao tratamento”. “Os responsables da Sanidade Militar han aplicado en todo momento os protocolos do Plan Nacional de Preparación contra a Pandemia de Gripe elaborado coas directrices da OMS”, asegura.
Doutra banda, máis de 300 soldados abandonaron o pasado sábado a academia do municipio madrileño despois de permanecer nove días illados polo brote da enfermidade.
Outros países
A gripe A segue aparecendo en novos países. O Ministerio de Sanidade jamaicano confirmou os dous primeiros na illa caribeña. Ambos os afectados estiveran recentemente en Estados Unidos. Os dous atópanse xa recuperados, segundo as autoridades jamaicanas.
Só 99 dos preto de 15.000 casos de gripe A confirmados en todo o mundo resultaron mortais
No Caribe tamén hai casos confirmados de gripe A en Cuba, Porto Rico e República Dominicana, mentres que en Bolivia son xa tres e en Arxentina suman 100, despois de que as autoridades sanitarias confirmasen onte a existencia de 20 novos enfermos.
Outro país onde se detectaron os primeiros casos de infección polo virus A/H1N1 é Vietnam. Son tres os contaxiados, os cales aterraron en Ho Chi Minh provenientes de Estados Unidos en diferentes voos.
Trátase dunha muller e o seu fillo de nove anos, mentres que o outro caso é un estudante. O tres atópanse ben, segundo afirmaron as autoridades vietnamitas.
En todo o mundo, a OMS confirmou preto de 15.000 casos de gripe A, dos cales só 99 resultaron mortais.
