Os recortes do 50% en Axuda Oficial ao Desenvolvemento (AOD) aprobados polo Goberno de España deixan nunha situación precaria á cooperación española, o que provocará, entre outras situacións, que miles de persoas en todo o mundo non poidan acceder á sanidade, alertou Farmamundi.
Segundo os datos que manexan as distintas redes estatais de ONG, España sitúase á cabeza nos recortes na Axuda Oficial ao Desenvolvemento en Europa. O orzamento do Ministerio de Asuntos Exteriores e de Cooperación (MAEC) diminuíu en 2012 nun 54,4% e o da Axencia Española de Cooperación Internacional para o Desenvolvemento (AECID) un 56,4%, o que reduciu á metade a AOD con respecto a 2008.
A esta situación súmase que moitas comunidades autónomas (excepto Estremadura, Euskadi e Andalucía) levan xa catro anos con reducións dos fondos que dedican a cooperación. Pasaron de orzar 446 millóns de euros en 2009 a 270 en 2012.Ademais, as cifras que manexa a Coordinadora de ONGD de España (CONGDE) reflicten que nestes momentos os gobernos autonómicos e locais deben 70 millóns de euros ás entidades españolas, algúns deles de proxectos xa iniciados e con fondos anticipados polas organizacións.
Farmamundi defende que o sector saúde mantéñase como prioritario no Plan Director da Cooperación Española 2013-2016 no que traballa o Goberno, con independencia de que se incorporen novas prioridades xeográficas ou sectoriais. Ademais, a ONG aposta por unha cooperación de calidade e innovadora, que en 2011 xestionou máis de oito millóns de euros (case un 6% menos que en 2010). Tamén elaborou unha “Guía da comunicación sobre acceso a medicamentos esenciais”, destinada a xornalistas. Esta Guía enmárcase dentro da campaña de Farmamundi “Esenciais para a vida”, financiada por AECID.
