Coa misión “de facer rir aos nenos e nenas afectados polo recente terremoto” cuxo epicentro se rexistrou en Pisco, Perú, seis artistas da compañía artística De Mortimers, colaboradores da ONG Pallasos sen Fronteiras (PSF), partirán o vindeiro luns, día 10, con destino ao país suramericano, segundo informaron desde a citada organización.
Os pallasos reforzarán ao longo de vinte días as accións de Médicos Sen Fronteiras no campo da saúde mental. Así, prestarán “axuda psicolóxica e emocional” a nenos e mozos que viven nas zonas afectadas, detallaron en PSF, que mantén que “a través da risa e o humor conséguese minorar o impacto psicolóxico que o desastre natural ha provocado”.
Do mesmo xeito que nas intervencións de PSF en Sri Lanka e Indonesia a comezos de 2005 con motivo do Tsunami ou en xuño de 2006 en Guatemala con motivo do furacán de Stan, o obxectivo desta expedición de emerxencia de Pallasos sen Fronteiras é o de favorecer e apoiar a recuperación emocional do neno despois da situación vivida tras un desastre natural.
