A cooperación entre as autoridades locais é fundamental nestes momentos para mellorar a eficacia das súas actuacións en materia de cooperación, aproveitando as distintas experiencias levadas a cabo noutros países, co consecuente aforro de custos e esforzos. Con este fin nace o proxecto IT4ALL, que representa hoxe en día a máis de 1.677 millóns de cidadáns do mundo.
Hoxe en día representa a máis de 1.677 millóns de cidadáns do mundoUn instrumento que pretende garantir a nivel mundial unha cooperación efectiva das Autoridades Locais no mundo para o acceso á Sociedade da Información de todas as persoas, favorecendo políticas de e-inclusión e de Cooperación Descentralizada en materia dixital.
A orixe desta Rede atópase en 2003 e nace a partir dun acordo entre o Presidente do Goberno Vasco, Juan José Ibarretxe e o Secretario Xeral das Nacións Unidas, Kofi Annan, por colaborar na loita contra a fenda dixital. A Rede é coordinada e animada desde o Centro CIFAL Bilbao, adscrito ao programa de Formación de Axentes Locais (CIFAL) do Instituto de Nacións Unidas para a Formación e a Investigación (UNITAR). “É un centro que funciona en colaboración coas Nacións Unidas e o Goberno Vasco e estrutúrase a través de catro nodos rexionais, co fin de salvagardar a identidade e as necesidades e a casuística particular de cada ámbito xeográfico”, explica Josu Ocáriz, Director de CIFAL- Bilbao e Secretario Xeral da Rede IT4ALL:
- En África: a rexión de Dakar (Senegal)
- En América Latina-Caribe: Sao Paulo
- En Asia-Pacífico: CITYNET
- En Europa: eris@
- Identificación de potenciais proxectos de cooperación que puidesen ter un alto impacto no desenvolvemento da Sociedade da Información e susceptibles de ser extrapolados a un amplo conxunto de rexións.
- Deseño e diseminación dun modelo de referencia baseado nas boas prácticas das autoridades locais que sirva como guía orientativa para diagnosticar e planificar estratexias locais de adaptación á sociedade da Información (Axendas Dixitais Locais)
- Posta en marcha de actividades de formación que contribúan á sensibilización e capacitación dos responsables locais da implantación da Sociedade da Información.
- Apoio á consecución de financiamento de proxectos de desenvolvemento da Sociedade da Información en cidades e rexións menos desenvolvidas.
