A páxina web de Ecovidrio, asociación encargada da recollida e a reciclaxe dos envases de vidro en España, recibiu no ano 2000 un total de 406.350 visitas de internautas. Durante o 2000 recibiu 1.100 visitas diarias, o dobre que en 1999, que foi de 600. Na páxina “www.ecovidrio.es” consumidores, empresarios, profesionais do medio ambiente e traballadores da administración atoparon datos sobre a reciclaxe de vidro, estatísticas, lexislación, empresas que reciclan e enlaces interese, entre outras informacións.
Segundo Ecovidrio, este incremento indica que os cidadáns españois están cada día máis interesados pola reciclaxe de vidro e polo coidado do medio ambiente”. Neste sentido, destacan os primeiros datos recolleitos no ano 2001 do mes de febreiro con 53.033 visitas, un 52,6% máis que no mesmo mes de 2000 (25.147 entradas). A páxina de Ecovidrio comezou a funcionar en maio de 1999, como a primeira web en español dedicada en exclusiva á reciclaxe de vidro.
