A cuarta edición do certame “O Mellor do Deseño Xornalístico España & Portugal ÑH04” premiou na categoría de medios en liña a elpais.com , que obtivo 1 ouro e 2 pratas, e a CONSUMER EROSKI con 2 pratas e 2 mencións. Outros medios que obtiveron algún galardón son: lavanguardia.es (1 prata), tv3.cat (1 prata), unav.es (1 prata), os40.com (1 prata), ep3.es (1 mención) e eleconomista.es (1 mención).
CONSUMER EROSKI foi a única publicación premiada no apartado de mellor portada, cunha mención por parte do xurado, que recompensa o esforzo do equipo de deseñadores e xornalistas de CONSUMER EROSKI para construír unha portada de actualidade diaria na que o consumidor atope a información útil que necesita para a vida cotiá.
Foi recoñecida cunha prata a innovación e usabilidade do conxunto da web
Ademais foi recoñecida cunha prata a innovación e usabilidade do conxunto da web. Precisamente durante este último ano CONSUMER EROSKI afrontou o reto de redeseñar as súas páxinas para integrar todos os seus apartados nunha única estrutura de navegación, moito máis intuitiva e funcional, aplicando en todo momento criterios de usabilidade e accesibilidade. Este premio certifica o bo labor realizado neste sentido. Así mesmo foi distinguido o deseño da Guía do Camiño de Santiago, que este verán recibiu una unha media de case 100.000 visitas ao mes.
Tamén mereceron unha prata once infografías de CONSUMER EROSKI, obra do estudo gráfico 90graos, formado por Aitor Eguinoa e Cristián Werb, profesionais con dilatada experiencia en medios xornalísticos. Non é a primeira vez que a SND recoñece as infografías de CONSUMER EROSKI: o capítulo español da SND (coñecido como SND-E) outorgou tres medallas de bronce en 2005 e dous en 2006 ao labor de divulgación da infografía como medio de expresión xornalística que fai este medio. Tamén en marzo dous gráficos deste diario foron os únicos traballos españois premiados pola SND a nivel mundial nos seus premios de inverno.
Os premios ÑH son os máis importantes no ámbito do deseño xornalístico que se entregan no noso país e entrégaos o capítulo español da SND, que é a entidade máis prestixiosa no ámbito do deseño xornalístico, tanto en prensa como en Internet, ten unha experiencia de máis de 25 anos e serve de nexo de unión para editores, deseñadores, artistas gráficos, ilustradores e fotógrafos. Está integrada por 2.600 membros de máis de 50 países e entrega, a nivel mundial, os premios anuais de deseño gráfico. O seu labor é recoñecer e premiar a excelencia dos traballos infográficos, para consolidar o xornalismo visual como unha profesión. Por iso, mediante estes premios, persegue a potenciación dos estándares máis altos do deseño en xornalismo.
