O Parlamento francés ha aprobado unha serie de emendas que pon fin ao proxecto da licenza global, que legalizaba na práctica os intercambios de arquivos nas denominadas redes P2P a cambio do pago dun abono. Desta forma, ponse fin a un proceso que comezou en decembro pasado, cando os deputados galos adoptaron unha emenda que abría a porta á legalización do “peer to peer”.
A futura Lei de Propiedade Intelectual francesa multará con 38 euros aos internautas que se descarguen contidos con dereitos de autor para uso privado, e con 150 euros a aqueles que poñan a disposición doutros navegantes esas obras mediante sistemas de intercambio gratis de ficheiros.
A nova norma castigará ademais con ata 750 euros ás persoas que teñan programas informáticos que permitan desactivar as proteccións de ficheiros sometidos ao pago de dereitos de autor. Os usuarios que rompan ditas proteccións poden ser condenados ao pago de ata 3.750 euros.
Pero as sancións máis duras son para os que comercien con programas que destrúan as proteccións anticopia ou de P2P. Os primeiros arriscaranse a unha pena de seis meses de prisión e ata 30.000 euros de multa, mentres que os segundos poden ser condenados ata a tres anos de cárcere e 300.000 euros.
