Os datos da consultora Point Topic manteñen que o número de conexións mundiais de banda ancha a Internet mediante tecnoloxía DSL ascendeu a 53 millóns a finais do terceiro trimestre, o que significa un incremento do 73 por cento con respecto a un ano antes. A firma prevé que a finais de 2003 superaranse o sesenta millóns.
A compañía apuntou que estes datos, sumados ao crecemento experimentado polas conexións de cable e outros accesos de banda ancha, supoñen que máis do trinta por cento das liñas de acceso a Internet de todo o mundo sexan de banda ancha.
Así, Europa Occidental e os países americanos seguen encabezando o crecemento deste sector. En termos absolutos, France Télécom ocupa a primeira posición, ao sumar 400.000 novas liñas no último trimestre, mentres que Telecom Italia viu incrementada a súa clientela de banda ancha en 250.000 abonados.
Con todo, hai una serie de países que parecen estar a retardar o seu crecemento. Xapón, por exemplo, a pesar de sumar máis de 350.000 novas liñas, viu como as subscricións DSL da operadora NTT apenas aumentaron o oito por cento respecto ao anterior trimestre.
