Onte celebrouse no Xulgado de Instrución número 5 de Arganda del Rey (Madrid) o xuízo contra o alumno do Instituto José Saramago desta localidade denunciado polo director do mesmo e por un dos seus profesores, concretamente o de filosofía, tras criticar nun “blogue” o funcionamento do centro e o sistema de ensino deste docente.
Iván Fresneda Carrasco, creador da bitácora “mafius.com” e sobre o que pesa unha denuncia por inxurias, asegurou que non pretendía danar a imaxe de ninguén nin desprestixiar a do instituto, senón mellorala. Durante o xuízo púxose de manifesto que o que está mal non é o que el fixo, senón “denunciar a un mozo por ter un ‘blogue’ e pór o que pensaba”, sinalou o alumno de segundo de Bacharelato.
Fresneda afirmou que o director e o profesor de filosofía “inventáronse unha chea de cousas” porque non lle pediron que retirase ningún comentario previamente, senón que lle dixeron que pechase o “blogue” porque iso estaba “mal” e era “ilegal”.
Algúns compañeiros do estudante denunciado, polo menos dous, déronlle o seu apoio e felicitáronlle polo “seu blogue”.
