O grupo editorial Planeta DeAgostini investiu 3.000 millóns de pesetas nun novo portal de Internet chamado Temalia. Con este investimento o grupo pretende “dar resposta á crecente necesidade de dar contidos en castelán”, dixo o conselleiro delegado da editorial, José Manuel Lara. Este portal incorporará diversas seccións, -65 aínda que se aspira a chegar a 300 nun ano- que ofertan temas tan diversos como videoxogos, medioambiente pasando por literatura, cine ou astronomía, nas que os usuarios poden reunirse paira facilitar, buscar ou pedir información sobre un asunto en concreto.
Segundo Lara, Temalia é a “prolongación lóxica do labor tradicional e básico de Planeta no negocio editorial: o coleccionable e a procura de calidade e lectores, que dados os tempos que corren, deben adaptarse á fórmula de contidos en rede”. Una das novidades que achegará este novo portal é que permitirá aos seus visitantes a posibilidade de editar as súas propios escritos na páxina sen necesidade de axentes literarios.
