O GIF animados son un formato de imaxe que contén unha curta serie de diferentes fotogramas nun mesmo ficheiro. Estes móstranse en secuencias consecutivas que se repiten nun bucle infinito, o que produce unha sensación de animación ou dun vídeo moi curto. O seu uso está estendido desde os primeiros anos de desenvolvemento das páxinas web, e a súa graza consiste en que permiten aos usuarios comunicarse ou expresar sentimentos sen necesidade de utilizar palabras, xa que o GIF resumen xestos ou actitudes. Actualmente algunhas aplicacións para smartphone céntranse en elaboralos.
Hai plataformas como VayaGIF.com ou GIPHY onde atoparemos un amplo catálogo deste tipo de arquivos
Se queremos utilizar nas nosas comunicacións GIF elaborados por outros, hai plataformas como VayaGIF.com ou GIPHY onde atoparemos un amplo catálogo. ou ben podemos crealo a través de aplicacións de retoque fotográfico para móbiles. Esta última opción é moi interesante para os usuarios, xa que permite crear e enviar o GIF desde o mesmo terminal, sen necesidade de utilizar outros dispositivos. Ademais, no caso que unha plataforma non soporte o formato GIF, pódese salvar a animación como vídeo. Desta forma pódese enviar sen problemas.
Oito aplicacións interesantes
Loopcam é unha aplicación e rede social para compartir animacións creadas co móbil a través da aplicación. De momento, só está dispoñible para iPhone e non crea estritamente GIF senón vídeos curtos, pero o efecto é equivalente. Pola súa banda GifBoom é unha plataforma moi valorada polos adolescentes para crear e compartir GIF animados na súa propia rede social ou ben noutras plataformas ou aplicacións.
A aplicación de GifBoom atópase dispoñible para iPhone e móbiles com o sistema operativo Android. Entre outras opcións, permite crear GIF de ata 60 segundos de duración, incorporar diferentes filtros en tempo real, cambiar a velocidade das imaxes, así como variar a orientación ou engadir texto sobre estas. Esta aplicación é gratuíta.
Cinemagr.am é outra aplicación dispoñible para iOS e móbiles co sistema operativo Android para crear GIF animados, aínda que tamén permite salvar as creacións como vídeo curto para compartilo naquelas redes sociais que non soporten o formato GIF. Entre outras características, destaca polos seus efectos e filtros, así como os controis de velocidade e os bucles. Cinemagr.am tamén conta coa súa propia rede social onde compartir as creacións. É unha aplicación gratuíta.
No caso que unha plataforma non soporte o formato GIF, pódese salvar a animación como vídeo
Moqu é unha aplicación dispoñible para iOS e Windows Phone recomendada para crear GIF animados desde o teléfono móbil. En breve tamén estará dispoñible para móbiles co sistema operativo Android. Moqu permite utilizar ambas as cámaras do dispositivo portátil e engadir diferentes efectos en tempo real, así como a posibilidade de manipular a velocidade da animación. A versión para iPhone conta coa opción de utilizar o zoom dixital. É gratuíta.
GIF Camera é unha aplicación para Android que permite crear GIF animados utilizando a cámara do terminal. Unha das opcións desta aplicación é capturar diferentes momentos e unilos nunha liña de tempo para crear o GIF animado correspondente. Tamén permite utilizar imaxes gardadas no teléfono do usuario. GIF Camera moi sinxela de utilizar, xa que dispón de opcións básicas para crear e compartir o GIF. É gratuíta.
Fotodanz está orientada en exclusiva a Android e céntrase na creación de GIF animados e vídeos curtos, dunha duración de 3 ou 5 segundos, cunha característica moi interesante: permite capturar o movemento dunha parte da imaxe e deixar o resto fixo. Por exemplo, gravar unha paisaxe desde o portelo do tren ou capturar unha caída de auga. Esta aplicación conta con diferentes filtros para cambiar o estilo das creacións. É gratuíta.
Giffer é específica para iPhone. Destaca por ofrecer unha gran cantidade de filtros e opcións para personalizar cada unha das creacións. Permite engadir fotografías e vídeos da galería do usuario, ou copialas doutras aplicacións. Ten un custo de 2,99 dólares. Camoji Camera tamén é para iPhone, aínda que gratuíta, e permite gravar un vídeo coa cámara, engadir texto, emoticonos e salvalo como GIF ou vídeo, para compartilo en plataformas como Instagram, Facebook ou Twitter.
