Desde que se pode ir de compras a través de Internet, comodamente e sen movernos da cadeira, xeneralizouse entre nós o uso de termos como “e-business” ou “e-comerce”.Pagar co cartón de crédito a través da Rede aínda provoca medos edesconfianzas nos usuarios, xa que implica outorgar datos como o seu número edata de vencemento e, nalgunhas ocasións, encher un formulario condatos persoais.
A seguridade que existe con respecto ao manexo de datos confidenciais en Internet é un tema moi polémico, pero está comprobado que non é tan fácil roubar os datos dun cartón de crédito a través do computador, porque os complexos sistemas que require un acto de pillaxe informática destas características requiren de potentes computadoras, cuxo custo resultaría prohibitivo para calquera.
Para dar maior seguridade ás transaccións económicas por Internet creáronse uns mecanismos que multiplican aínda máis a protección da información dos cartóns. Cando vaia a unha páxina web a comprar co seu cartón, asegúrese de que o seu navegador utilice a tecnoloxía SSL (Secure Sockets Layer), que funciona usando unha clave privada para cifrar os datos que se transfiren sobre a conexión do SSL.
Comprobar este extremo é sinxelo, só hai que fixarse na parte inferior dereita da pantalla do computador e se aparece unha chave ou cadeado pechado significará que a páxina é “segura”, aínda que tamén é recomendable comprobar que o sitio web teña unha certificación dixital de seguridade. Isto faise facendo dobre-clic na chave ou o cadeado.
Ademais deste sistema, hai outros indicios que nos poden axudar a fiarnos ou non dunha páxina web:
–Observe a dirección da web, ás veces os impostores adoitan usar nomes moi parecidos a marcas comerciais de prestixio. Tamén teña en conta que unha empresa prestixiosa nunca utilizaría unha dirección moi complicada.
–Comprobe quen é o titular da páxina, porque pode ocorrer que unha dirección que parece oficial estea baixo o dominio dun particular.
–Na web vendedora, busque os datos que identifican o vendedor. Un negocio serio sempre manterá á vista o nome legal da empresa vendedora, domicilio, CIF, etc. Se eses datos non aparecen ou non son fáciles de localizar, non se fíe.
