Streaming é unha das palabras máis comúns na era 2.0ou da Web social. As redes sociais emiten vídeo en streaming, asradios en liña fan o propio co audio e as películas alúganse nesta modalidade. Utilizada por primeira vez pola empresa RealNetworks en 1995, esta tecnoloxía baséase nun sistema que permite acceder a un arquivo situado nun servidor de Internet sen necesidade de descargalo antes para reproducir o seu contido. O arquivo descárgase ao computador, pero en forma de fluxo de datos, e só permanece de forma temporal.
Imagen: Daniel Rothamel
A finais dos anos noventa a conexión a Internet máishabitual realizábase mediante banda estreita a 56 Kbps. Con este limitado ancho de transmisión de datos, a descarga e visualización dos arquivos multimedia era unha tarefa moi complicada, sobre todo, debido aos recursos e ao tempo necesario para a súa reprodución. Eraimprescindible descargar os arquivos ao disco duro e, despois, reproducilos. Esta acción podía durar horas, dada a lentitude das conexións e os recursos dispoñibles.
A descarga de arquivos mediante aplicacións P2P descendeu no último ano debido ao uso dos servizos para audio e vídeo en streaming
A compañia RealNetworks foi unha das primeiras en popularizarunha tecnoloxía para acceder a arquivos en Internet sen ter quedescargalos primeiro. Para iso lanzou o streaming. Neste proceso,o computador almacena o arquivo nun búffer, é dicir, carga antes na súa memoria un cartafol temporal con paquetes de datos. Este proceso realízase á vez que se reproduce a parte do arquivo que xa se descargou. Despois, o fluxo de datos bórrase do búffer.
Para optimizar a reprodución mediante streaming é necesario dispor dos códecs adecuados para descifrar o contido do arquivo multimedia. Estes códecs comprímenos e permiten que manteñan a maior calidade posible cunha menor cantidade de bytes, xa que ocupan demasiada memoria.
Problema de protocolos
Co fin de realizar a transferencia de datos mediantestreaming, algunhas tecnoloxías utilizaban os protocolos UDP e RTSP debido á súa rapidez na velocidade de transferencia respecto doutros como HTTP. Este último utilízase nas páxinas web para a transferencia de hipertexto.
Plataformas como Youtube e radios como Spotify ou Last.Fm utilizan o streaming para emitir os seus contidos
O problema destes protocolos específicos radica na necesidade de establecer unha serie de condicións nas redespara facer posible a comunicación. Isto non sempre é factible. Redes empresariais ou operadoras 3G poden ter bloqueado o acceso a determinados protocolos e portos.
Nos últimos anos, os avances na tecnoloxía do streamingpermitiron a empresas como Adobe ou Microsoft desenvolvertecnoloxías para aplicacións como Flash e Silverlight, que funcionan baixo o protocolo HTTP. Youtube ou Hulu, este último orientado aos internautas de Estados Unidos, utilizan Adobe Flash para a reprodución de vídeos.
Como alternativa a estas tecnoloxías, Apple propuxo unnovo sistema de streaming baseado no protocolo HTTP para emitir sen necesidade de dispor dun servidor especial. Apple presentou este sistema á organización IETF (Internet Engineering Task Force), encargada dos protocolos e estándares decomunicación de Internet.
Esta proposta permite acceder a contido xa gravado, asícomo a material en directo. Hoxe en día, este desenvolvemento estáincluído na nova versión de QuickTime X, que forma parte dosavances do sistema operativo “Snow Leopard” e funciona cos códecs H.264 para vídeo e ACC para audio, ambos os desenvolvidos por Apple. Tamén é compatible con MPEG-2 e MP3.
Plataformas
A descarga de arquivos mediante aplicacións P2P descendeu no último ano debido aos servizos para audio e vídeo en streaming e ao aumento do ancho de banda nos fogares. Con conexións de 3, 6, 10 e 20 Mbps, os usuarios poden acceder a un contido con calidade DVD ou superior mediante streaming, sen atrasos ou tempos de espera para reproducir o contido.
O streaming HTTP é o servizo que máis creceu no segundo trimestre do ano nos móbiles
No ámbito cinematográfico, os usuarios dispoñen de plataformasen streaming como ADNStreamou Yodecido.com, que contan co apoio da industria. Outros como Series Yonkis non están apoiadas pola oficialidade.
As ofertas de música mediante streaming atópanserepresentadas por Spotify ou Last.fm. Estas plataformas permiten acceder a infinidade de pistas de audio sen necesidade de baixar os discos e arquivos ao computador. Os usuarios poden escoitar as súas cancións favoritas tantas veces como queiran, sen necesidade de telasaloxadas no disco duro.
Durante 2008, segundo un estudo da consultora Ipoque, no suroeste de Europa o intercambio de arquivos a través de redes P2P caeu un 10%, mentres que o streaming creceu ata supor un 10,14% do total do tráfico. Non só en computadores. Segundo Allot, empresa que analiza o tráfico da rede, o streaming HTTP é o servizo que máis se incrementou no segundo trimestre do ano nos móbiles. Cunha subida do 58%, situouse como o segundo máis utilizado desde a Internet móbil, por detrás da navegación web.
A empresa OnLive permite acceder aos últimos títulos dispoñibles sen necesidade de instalar o videoxogo no computador
A tecnoloxía streaming non só se utiliza en vídeos earquivos de audio. A compañía norteamericana OnLive dispón dunha plataforma de videoxogos mediante streaming. Esta, que se atopa en beta e só acepta, por agora, a usuarios de Estados Unidos, permite acceder aos últimos títulos dispoñibles sen necesidade de instalar o videoxogo no computador. Basta con dispor dunha navegadorweb nos sistemas operativos Windows ou Mac Vos X, ou comprar unha miniconsola da compañía, que dá acceso aos videoxogos desde o televisor, sempre que se dispoña dunha conexión a Internet.
