O Instituto Nacional de Tecnoloxía da Comunicación (INTECO) descubriu a subtracción de datos que podería afectar a parte dos 20.000 usuarios da súa Plataforma de Formación en liña. Os atacantes tiveron acceso a nomes e apelidos, números de teléfono, DNI e correos electrónicos. INTECO puxo o incidente en coñecemento da Brigada de Investigación Tecnolóxica da Policía Nacional e prepara un comunicado personalizado aos posibles afectados alertándolles dos riscos derivados do incidente e da maneira de protexerse, segundo informou o Instituto.
INTECO pide desculpas aos usuarios da súa plataforma de formación en liña polos inconvenientes causados e asegura que ofrecerá información actualizada sobre este incidente no seu sitio web: www.inteco.es.
O Instituto lembra aos seus usuarios que nunca se lles solicitará información de carácter persoal por correo electrónico ou teléfono e recomenda non responder a ningunha petición de información destas características. INTECO tamén aconsella non facer clic en ligazóns incluídas en mensaxes de correo electrónico, mensaxes SMS ou MMS cuxo orixe non sexa confiable.
Ademais, o Instituto indica que é necesario revisar o estado de seguridade dos equipos informáticos, en particular, o sistema operativo, o navegador e outras aplicacións (entre outras as de seguridade), que deben estar debidamente actualizados. Ante calquera dúbida, INTECO recomenda porse en contacto con eles na dirección de correo electrónico incidencias@cert.intenco.es.
