A multinacional informática Toshiba marcouse como obxectivo fabricar computadores portátiles cun deseño máis resistente, segundo informaron fontes da filial española. Para iso buscaron os puntos débiles destes aparellos e deseñaron dispositivos que aguanten mellor o paso do tempo.
Así, unha serie de probas simularon o ciclo de vida dun portátil de maneira rápida en condicións de uso intensas. Os investigadores someteron ao computador a cambios extremos de temperatura e a exercicios para comprobar resistencia a impactos e vibracións fortes para descubrir vulnerabilidades en soldaduras, parafusos ou xuntas.
Toshiba sacou ao mercado, tras realizar estes experimentos, o primeiro portátil cun novo deseño que ofrece maior protección e menores riscos de rotura da pantalla. Así, presenta unha carcasa 2,5 veces máis robusta e cun 40% menos de flexión.
Ademais, os bordos da pantalla foron protexidos con lámina metálica e material de absorción de golpes. Tamén se agrandou o tamaño das bisagras da pantalla para facelas tres veces máis resistentes, cun ciclo de vida de 50.000 operacións de abrir e pechar. Así mesmo, a placa basee é un 13% máis grosa e un 50% máis resistente e con menos flexión.
