Un novo dominio de primeiro nivel, “.42”, polo momento non oficial, creouse coa premisa de crear un Internet aberto e orientado ao software libre. Os seus obxectivos son facer fronte á ICANN, organización de Estados Unidos que xestiona o DNS raíz de Internet, e fomentar a neutralidade na Rede.
Un dos principais requisitos esixidos é que as páxinas web que aspiren a este dominio non alberguen proxectos comerciais ou con publicidade, segundo explícase na propia web de rexistros. O sistema utiliza os principios das redes Global Anycast para saltarse as restricións da ICANN.
Os creadores deste proxecto pretenden que a Rede sexa un espazo aberto, orientado cara ao intercambio de coñecementos e o software libre. Afirman ser conscientes da inmensidade do desafío, coas enormes limitacións que implica, pero tamén se refiren a os beneficios que ofrece esta opción.
Apuntan como exemplo que as normas vixentes prohiben o uso de dominios de nivel superior que conteñan números e, ao mesmo tempo, esta opción crea algúns problemas coa infraestrutura, o software e os navegadores xa que, por exemplo, pode confundir as direccións URL con direccións IP. Para poder utilizar estas direccións, o usuario debe realizar configuracións adicionais no seu computador.
