As redes sociais han implantado con éxito a posibilidade de comentar fotografías. A Fundación Xeral CSIC, en colaboración con 2mdc, quixo contribuír coa aplicación “Speakingimage”, que permite aos usuarios crear anotacións e facer comentarios sobre as propias fotografías.
Este programa, que só necesita unha navegador web para o seu uso, permite debuxar encima da fotografía e acoutar certas partes, ás que se lles pode engadir un comentario específico sobre esa porción da imaxe. A aplicación pode crear figuras estandarizadas (cadrados, rectángulos, círculos e óvalos), pero tamén figuras irregulares debuxadas con contornos concretos.
A ferramenta posibilita tamén engadir artigos “wiki” para complementar a información visual con textos de fondo. Estes artigos quedan asociados á imaxe nun “wiki” independente. Ademais, toda esta información pode organizarse por capas (ata 10), que poden visualizarse de forma simultánea ou ocultadas selectivamente para facilitar o acceso a datos específicos.
O sistema permite o uso de fotografías en alta resolución nas que o usuario pode desprazarse en busca de puntos de interese nunha forma similar a un mapa interactivo. A edición pode compartirse por múltiples usuarios, grazas á súa integración nunha plataforma web que dispón das ferramentas das redes sociais. Deste xeito, os usuarios poden colaborar entre eles.
