O segundo país da Unión Europea (UE) cuxos aeroportos acollen máis compañías de baixo custo é España, con máis de 1.900 rutas dispoñibles. O noso país ofrece un 20% máis deste tipo de viaxes que Reino Unido, precursor do concepto de “low cost”, segundo o estudo “O boom europeo das compañías de baixo custo”, realizado polo buscador de viaxes Liligo.com.
O informe sitúa a Barcelona como a cidade española cun maior número de voos de baixo custo, cun total de 387 viaxes. O buscador sitúa en segunda lugar a Madrid, con 325 voos de compañías baratas, e no terceiro posto atópase Málaga, cun total de 158. En Europa, Londres é a urbe máis accesible en canto a número de voos “low cost”, cun total de 452, seguida de París, con 421. En terceiro lugar sitúase a capital catalá.
O informe indica que cerca do 70% de aerolíneas de baixo custo teñen a súa base en Europa e operan principalmente rutas nacionais, polo que impoñen una “forte competencia” ao uso dos ferrocarrís europeos.
Recóllese neste estudo que Ryanair encabeza o “Top 15” de aerolíneas de baixo custo máis buscadas en España a través de Liligo.com, seguida da aerolínea española Vueling e da inglesa easyJet. En cuarto posto sitúase a compañía húngara Wizz Air, que voa sobre todo ao leste europeo. Air Berlin ocupa o quinto posto de aerolíneas máis demandadas no buscador. En canto ás liñas aéreas que dispoñen dun maior número de rutas, sobresaen Ryanair, con 3.087 tramos abertos, e easyJet, con 1.659 rutas.
O buscador sinala que estas compañías presentan tarifas “moi atractivas” sempre que se dean una serie de requisitos como que a reserva se realice con varias semanas de antelación ou que exista flexibilidade temporal por parte do usuario paira viaxar.
