A ministra de Fomento, Ana Pastor, anunciou a paralización do proceso de privatización de Aena Aeroportos, incluídos os concursos para a concesión da xestión de Madrid-Barallas e Barcelona-O Prat, cuxa licitación terminaba o próximo 31 de xaneiro. Pastor xustificou a suspensión do concursos polas “desfavorables” condicións dos mercados, que poderían deteriorar o valor dos activos de Aena.
Ademais, a ministra afirmou que “a valoración de Aena Aeroportos se ha ido deteriorando progresivamente”, por iso, adiantou que o seu departamento traballa nun “plan estratéxico e de negocio” para “pór en valor” a compañía e dar entrada posteriormente ao capital privado.
Con respecto á licitación dos aeroportos de Madrid-Barallas e Barcelona-O Prat, Pastor dixo que o concurso de concesións da súa xestión pretendía favorecer a competitividade entre ambos os aeródromos, cando do que se trata é de impulsarlles para que compitan cos grandes aeroportos europeos. A ministra sinalou que a estratexia é crecer non só en España, senón a escala internacional e que Aena vale máis que o conxunto, que é de todos.
A titular de Fomento apostou pola cohesión territorial no novo modelo de xestión dos aeroportos, xa que estes teñen un destacado papel na mesma, en especial naquelas comunidades autónomas nas que se sitúan os aeródromos. Por iso, avoga por atopar “formulas de participación” das autonomías nas decisións estratéxicas, de maneira que se integre o desenvolvemento dos aeroportos no contexto das súas competencias.
