Os albergues do once municipios galegos polos que discorre a ruta xacobea francesa a Santiago de Compostela rexistran estes días de Semana Santa unha ocupación do 100%, segundo asegurou o presidente da Mancomunidade do Camiño Francés e alcalde da localidade lucense de Portomarín, Eloy Rodríguez López.
“No albergue de Portomarín non hai nin unha praza e isto é así en todos os restantes municipios da mancomunidade”, apuntou Rodríguez López. O alcalde agregou que a gran cantidade de peregrinos que percorren o Camiño Francés nestes días de vacacións é unha continuidade dos que o fixeron durante 2004, Ano Xacobeo.
Doutra banda, anunciou a realización de actividades de intercambio cultural entre todos os concellos polos que trascurre a ruta francesa. A súa intención é que estas actividades se celebren nun do once municipios todos os domingos, o que suporía non só unha especie de acto de irmandamento entre os consistorios, senón tamén unha medida para impulsar o atractivo do Camiño Francés.
