As axudas ao aluguer para os mozos incrementaranse un 14% despois de que o Executivo central haxa aprobado en Consello de Ministros a aplicación do Fondo de Continxencia, por importe de 46,1 millóns de euros para o pago adicional das axudas aos beneficiarvos da Renda Básica de Emancipación (RBE) para o exercicio 2011. Con esta ampliación, a cifra total destinada a esta partida ascende a 364,1 millóns de euros, un 14,4 % máis que o orzado inicialmente.
A Renda Básica de Emancipación é unha axuda dirixida aos mozos entre 22 e 30 anos, titulares do contrato de arrendamento da vivenda na que residan e que teñan unha fonte regular de ingresos inferiores aos 22.000 euros brutos anuais. A axuda establécese en 210 euros mensuais durante catro anos.
O balance acumulado ata decembro de 2010 da RBE reflicte que a axuda chegou xa a 266.951 fogares, despois de que 99.479 mozos empezasen en 2010 a cobrala, o que representa un incremento do 59,4% con respecto ao número de beneficiarios contabilizados ata decembro de 2009, segundo informou o Goberno.
