Un 20% dos contratos de aluguer dispoñen de cláusulas de arbitraxe para previr e resolver posibles conflitos entre arrendador e arrendatario, o que representa un incremento ao redor de sete puntos con respecto á taxa do pasado ano, cando se situou no 13%. Ademais, a Asociación para o Fomento do Aluguer e o Acceso á Vivenda (Arrenta) apuntou que durante este ano un de cada catro arrendamentos poderían asinarse “cun convenio de arbitraxe anexa”.
Este incremento das cláusulas de arbitraxe atribúese á crise, que disparou “ a desconfianza dos propietarios”. Segundo Arrenta, “o 85% dos propietarios teme non cobrar as rendas ou sufrir desfeitas na vivenda”, polo que non se arrisca a asinar un contrato de arrendamento se non é cunha cobertura adicional que lle de tranquilidade. Ademais da arbitraxe, os contratos inclúen garantías de cobro de rendas ou seguros de actos vandálicos.
A arbitraxe é unha vía paralela e sustitutoria da Xustiza Ordinaria pola que, en caso de conflito entre dous ou máis partes, un terceiro neutral e imparcial, denominado árbitro, resolve a controversia cun laudo (sentenza) que é de obrigado cumprimento, non recurrible e executable.
Arrenta destaca que se trata dunha fórmula rápida, económica e eficaz, dado que se obtén unha sentenza firme nun prazo moito máis rápido. Esta axilidade posibilita un aforro medio de seis meses en comparación con acudir aos Xulgados.
