Segundo un informe dado a coñecer onte por Tasamadrid, as cidades de Barcelona, San Sebastián e Madrid continuaron durante o primeiro trimestre de 2006 encabezando a lista das urbes españolas con vivenda nova máis cara, xa que os seus prezos situáronse por encima dos 3.700 euros por metro cadrado.
Barcelona segue sendo, segundo este estudo, a capital de provincia máis cara de España. Na capital catalá o prezo da vivenda nova situouse nos 4.266,69 euros por metro cadrado, cun aumento do 4,72% respecto ao trimestre anterior, e o da vivenda usada alcanzou 3.621,39 euros por metro cadrado, un 4,65% máis con relación ao tres últimos meses do pasado ano.
A continuación sitúase San Sebastián, cidade onde a vivenda nova costa 3.920 euros por metro cadrado e o prezo da vivenda de segunda man ascende a 4.142,98 euros por metro cadrado. En terceiro lugar sitúase Madrid, cun prezo de 3.716,52 euros por metro cadrado para os pisos novos e de 3.527,90 euros por metro cadrado para os usados.
Os datos recolleitos por Tasamadrid reflicten que as capitais de provincia con vivendas novas máis baratas son Lugo, onde o prezo se situou no primeiro trimestre deste ano nos 1.280,52 euros por metro cadrado, seguido de Zamora, con 1.405,07 euros por metro cadrado, e Huesca, con 1.460 euros por metro cadrado.
