Os movementos de diñeiro en efectivo superiores a 10.000 euros, tanto de entrada como de saída do país, deberán declararse por escrito, segundo a orde do Ministerio de Economía que apareceu no Boletín Oficial do Estado (BOE) fai nove meses e que entrou en vigor onte.
A orde xustifica esta medida na necesidade non de limitar “” estas operacións financeiras, “senón de establecer unha maior transparencia”. A mesma norma, que é extensible aos cheques e cartóns de pago electrónicas, tamén afectará as circulacións interiores de capitais de máis de 100.000 euros.
A cifra fixada para as operacións que se realicen co estranxeiro (4.000 euros máis que antes) axústase á establecida no regulamento europeo sobre esta cuestión, e mesmo resulta inferior á recomendada (15.000 euros) polo Grupo de Acción Financeira contra o Branqueo de Capitais. Dentro de España elevouse a marxe anterior en 19.500 euros, medida que segundo o Ministerio “non supón riscos relevantes para o obxectivo de prevención que se persegue”.
Como novidade, a declaración por escrito deses movementos (que se realizará mediante o formulario S1, dispoñible nas páxinas web da Axencia Tributaria e o Tesouro Público) será esixida polas entidades financeiras a aqueles clientes que queiran dispor de sumas superiores ao límite de 10.000 euros establecido. O mesmo pasará cos notarios, naqueles actos que sexan requiridos para dar fe da súa veracidade e legalidade. Dita documentación poderase presentar en persoa ou por vía telemática.
