Industria Ministerioaren mendeko Telekomunikazioetako Estatu Idazkaritza 905 lineetako dei faltsuen kasua ikertzen ari da. Hala iragarri du Francisco Ros departamentu horretako arduradunak.
FACUA kontsumitzaileen erakundeak dio maulan horrek ehunka lagun daudela 17 autonomia erkidegotan. Iruzur horren bidez, erabiltzaileen lineak “bahitu” egiten dira, egin gabeko deiak fakturatzeko.
Erabiltzaile horien fakturetan “sariketa-telefonoetara egindako dozenaka, ehunka eta milaka dei sartzen dira, 905 aurrezenbakiarekin, baina ez zituzten egin. Segundo batetik bostera bitartean irauten du, eta, kasu askotan, lau segundoko tarteetan errepikatzen dira; horrek adierazten du ezinezkoa dela erabiltzaileak deiak egitea”, azaldu du FACUAk.
Elkarte horrek salatu duenez, telefonia-konpainiek behin eta berriz esaten dute erabiltzaileek egin ez dituzten deiak kobratu egin behar dituztela, “lineen mozketekin, berankorren erregistroetan sartzearekin eta baita bahiturekin ere”. Eta horrek berriro dio: “nahiz eta erreklamatutako faktura askoren ezaugarriek argi uzten duten ezinezkoa dela ukituek hainbeste dei egitea hain denbora laburrean”.
