Espainiarrek zortzi espezia besterik ez dituzte erabiltzen janaria prestatzeko, baina merkatuan 40 baino gehiago daude, Espainiako Espezia eta Ongailuen Elaboratzaile eta Ontziratzaileen Elkartearen arabera. Elkarte horrek horien erabilera sustatzeko informazio-kanpaina jarri du abian.
Elkarte horren iritziz, espeziak gutxi erabiltzen dira Espainian; izan ere, espeziez ez dakitelako, dosifikazioan huts egiteko beldur direlako eta barietate txiki batera mugatzeko ohitura dutelako, “nahiz eta Mediterraneoko kultura gastronomikoak espezia-aniztasun handia izan”.
“Emaiozu ukitu berezi bat” lelopean, kanpainan hiru liburuxka banatuko dira saltokietan, nazioarteko sukaldaritzako erabilera eta errezeten bidez, eta horietan osagai garrantzitsua izango da gozamena.
Sukaldean erabiltzen ez diren espezien erabilera batzuk ere azaltzen dira; esate baterako, kanela, uretan disolbatuz gero digestio astunak arintzen baititu, edo eldo-aleak murtxikatuz, hatsa kentzeko.
Liburuxketan curry-aren propietateak eta erabilerak jasotzen dira. Currya munduko elikagai zabalduena da, eta hainbat espeziaren nahasketa da: piperrautsa, intxaur muskatua, anisa, iltzea eta ezkaia, besteak beste.
