Santo Domingo de la Calzadako Udalak (Errioxa) berriro ekin dio joan den urtean martxan jarri zuen erromesentzako informazio gunearen jarduerari. Herri honen sarreran dago.
Zentroa urte bukaera arte egongo da martxan eta arratsaldez eta asteburuetan zabalduko da. Informazio eta Turismo Bulegotik kanpo funtzionatzen duen informazio gune hau joan den uztailean irekitzea aurreikusita zegoen, baina atzeratu egin zen, Turismoko zinegotzi Yolanda Iglesiasek adierazi duenez, etxola hornitzeko eta instalatzeko arazoak zirela eta.
N-120 errepidea eta Zirueña errepidea elkartzen diren biribilgunearen parean dago informazio-puntua, eta aterpetxeen, bisitatzeko lekuen eta eska ditzakeen beste zerbitzu batzuen egoerari eta ezaugarriei buruzko informazioa ematen dio erromesari.
Jarduera hau erromes guztientzat da eta, bereziki, luzetatik pasatzen direnentzat, hiria ikustera sar daitezen motibatzeko, batez ere bidea bizikletaz egiten dutenentzat.