Thupstan Chogyal monje budistak munduko bihotzeko eritasunetan espezializatutako ospitalea eraikitzea lortu du, 3.500 metroko altueran, Leh-n, Ladajeko hiriburuan -Himalaian-. Proiektu honen bidez, Chogyalek toki horretako biztanleek altueraren eta muturreko hotzaren ondorioz jasaten dituzten bihotz eta arnasketa gaixotasunak lagundu nahi ditu.
Zentroak Espainiako finantziazioa du eta Dalai Lamak babesten du. Lau urte eman ditu lanean, eta hilabete honetan zabaldu ditu ateak, pazienteei laguntzeko. “Oraingoz doakoa da, baina aurrerago medikuen ordainsariak ordaintzeko zerbait kobratzen hasiko gara”, esan du Chogyalek.
Klinikan bertako sei medikuk eta Estatu Batuetako medikuntzako ikasle batek egiten dute lan boluntario gisa. Gaitz kardiakoez gain, osasun-langileek arnas aparatuko gaixotasunak eta bestelako espezialitateak tratatzen dituzte.
Ospitaleaz gain, klinikaren ondoan laborategi bat eraikitzeko asmoa du monjeak, Ladajiko populazioaren berezitasun genetikoak ikertzeko.